मानसिक स्वास्थ र पोषण

मानसिक समस्या अचेल जटिल सामाजिक समस्याका रुपमा बढ्दै गइरहेको छ। विश्व स्वास्थ्य संगठनका अनुसार विश्वभर ९७ करोड मानिसहरु मानसिक समस्या जस्तै चिन्ता, डिप्रेसनमा बाँचिरहेको देखिन्छन् जुन कोभिड १९ माहामारीमा अझैँ बढेको देखिन्छ। औषधी पद्धति वा मनोसामाजिक परामर्श मात्रैले मानसिक समस्या हल गर्न सक्दैनन्। त्यसैले आजकाल पोषणका कारणले मानसिक अवस्थामा पर्ने असरलाई पनि उत्तिकै प्राथमिकता दिन थालिएको छ। विभिन्न अध्ययनले असल खानपान, जीवनशैली र व्यायामका माध्यमले मानसिक स्वास्थ्यमा परिवर्तन आएको पुष्टी गरेका छन्।