राजनितिसमाचार

गठबन्धन परिवर्तनमा हामी दुई भाई(प्रचण्ड र म)लाई जस दिए हुन्छ : ओली

३० फागुन, डाँफे खबर।

एमालेका अध्यक्ष केपी शर्मा ओलीले गठबन्धन परिवर्तनमा कांग्रेस र छिमेकी मुलुकले अन्य मुलुकले गरेको हो भन्ने आरोप सही नभएको बताएका छन् ।

गठबन्धन परिवर्तनमा प्रधानमन्त्री पुष्पकमल दाहाल मुख्य रहेको र आफूले साथ दिएको बताए । प्रधानमन्त्रीले राखेको विश्वासको मतलाई समर्थन गर्दै प्रतिनिधिसभामा ओलीले भने, ‘हामीले सँगै मिलेर ठूल्ठूला काम गरेका छौं ।

राम्रो काम भएजति आफैंले गरेको भन्छ कांग्रेसले, अरुलाई एकछेउ जस दिन्छ ?,’ उनले भने, ‘सरकार गठनलगायत सानातिना आन्तरिक काम, यत्तिको काम त हामीले गरेको भनेर भन्नु नि । यो हामीले गरेको हो । प्रचण्डजी मुख्य हो । साथ दिने म पनि हो । दुई भाइलाइ जस दिए पनि हुन्छ नि !’ओलीले प्रधानमन्त्री दाहाललाई विश्वासको मत दिन कांग्रेसलाई आग्रह गरे ।

उनले विगतमा भोटै नमाग्दा पनि समर्थन गर्ने कांग्रेसले अहिले पनि त्यो गर्दा हुने बताए । ‘पोहोर साल कांग्रेस भोटै नमागीकन हतारिएर, हौसिएर, उत्साहित भएर नयाँ ब्याट्री हालेजस्तो थियो । समर्थन गरेको थियो ।

अब अहिले समर्थन नगर्ने भन्या ? पोहोर समर्थन गर्न हुने, पोहोर एकदम सकारात्मक भाषण गर्नुभएको थियो उफ्रीउफ्रीकन, यसपल्ट के भयो त्यस्तो फेरि ?,’ उनले प्रश्न गरे । प्रधानमन्त्री र कांग्रेस उही रहेकाले कांग्रेसले समर्थन गर्नुपर्ने ओलीको भनाइ थियो । 

No Article rating
0 Reviews
यो खबर पढेर तपाईलाई कस्तो महसुस भयो ?
  1. उत्साहित
  2. खुसी
  3. अचम्मित
  4. दुःखी
  5. आक्रोशित

Leave a Reply

Your email address will not be published. Required fields are marked *

Back to top button